Mopa Airport: मोपा आंतरराष्ट्रीय विमानतळ प्रकल्पाचे लोकार्पण 11 डिसेंबर रोजी पंतप्रधान नरेंद्र मोदी यांच्या हस्ते होणार आहे. या पार्श्‍वभूमीवर गोवा पोलिस दलाने आपला स्वतंत्र वाहतूक कक्ष सुरू केला आहे. त्या ठिकाणी 62 पोलिस कर्मचाऱ्यांच्या बदल्या केल्या आहेत. याचा मोपा परिसरातील वाहतूक सुरळीत होण्यासाठी फायदा होणार आहे.

गोवा पोलिस दलाच्या माहितीनुसार, काल विविध पोलिस ठाण्यातील 62 पोलिस कर्मचाऱ्यांच्या बदल्या मोपा विमानतळावर केल्या आहेत. यामध्ये अधिकारी आणि कर्मचाऱ्यांचा समावेश आहे. यामध्ये मोपा विमानतळ पोलिस स्टेशन आणि मोपा वाहतूक कक्ष अशी नियुक्तीची विभागणी आहे.

मोपावर  नियुक्ती केलेल्यांमध्ये 4 पोलिस उपनिरीक्षक, 6 सहाय्यक पोलिस उपनिरीक्षक, 21 हेड कॉन्स्टेबल, 31 पोलिस कॉन्स्टेबल आदींचा समावेश आहे. विमानतळाच्या लोकार्पणापूर्वीच सुरक्षा महत्त्वाची बनल्याने पोलिस दलाने हा निर्णय घेतला. लवकरच कर्मचारी आपापल्या पोस्टिंग जागी तैनात होतील, अशी माहिती पोलिस मुख्यालयाने दिली.