Goa Monsoon 2023 Orange Alert

गोव्यात पुढील पाच दिवसांसाठी ऑरेन्ज अलर्ट जारी करण्यात आला आहे. पुढील पाच दिवस राज्यात मुसळधार ते अतिवृष्टीचा इशारा हवामान खात्याने दिला आहे. गोवा, कोकण आणि मध्य महाराष्ट्रात मुसळधार पाऊस पडण्याची शक्यता हवामान खात्याने वर्तवली आहे. याकाळात जवळपास 204.4 मिमि पाऊस पडण्याचा अंदाज खात्याने वर्तवला आहे.

पुढील पाच दिवसात पडणाऱ्या मुसळधार पावसामुळे पुरस्थिती निर्माण होण्याची शक्यता असून, नागरिकांनी काळजी घेण्याचे आवानही हवामान खात्याने केले आहे. याकाळात धोकादायक ठिकाणी किंवा पाण्याची पातळी अधिक असेल अशा ठिकाणी न जाण्याचे आवाहनही खात्याने केले आहे.

20 ते 22 जुलै या काळात कोकण, गोवा आणि मध्य महाराष्ट्रात मुसळधार पावसाची शक्यता असून, हवामान खात्याने ऑरेन्ज अलर्ट जारी केला आहे. याकाळात 115.6 ते 204. मिमि पाऊस पडेल असा अंदाज गोवा वेधशाळेने वर्तवला आहे.