Goa Monsoon Update 2023 Dainik Gomantak
गोवा

Goa Monsoon 2023: चिंताजनक! गोव्यात पावसाच्या विश्रांतीने तापमानात वाढ; ऑगस्टमध्ये तूट 93.4 टक्क्यांवर...

देशात पावसाची तूट 7 टक्के

Akshay Nirmale

Goa Monsoon In August 2023: यंदाच्या मॉन्सूनच्या हंगामात राज्यात सुरवातीला पावसाचे प्रमाण कमी होते. पण जूनच्या अखेरीस सुरू झालेल्या पावसाने नंतर दमदार हजेरी लावत सरासरी भरून काढली. तथापि, ऑगस्टमध्ये मात्र पुन्हा गोव्यात पावसाने विश्रांती घेतली आहे, त्यामुळे तापमानात वाढ झाली आहे.

गोव्यात ऑगस्टमध्ये 167.1 मिमी पाऊस झाला आहे. त्यामुळे या महिन्यातील तूट 93.4 टक्के झाली आहे. ऑगस्टमधील संपूर्ण देशातील पावसाचा विचार करता देशात पावसाची तूट 7 टक्के इतकी आहे.

ऑगस्टमध्ये पावसाचे इतके कमी प्रमाण असणे हे चिंता करण्यासारखे आहे, असे मत तज्ज्ञ व्यक्त करत आहेत. केवळ गोवाच नाही तर भारतीय उपखंडातील अनेक भागात पावसाची कमतरता आहे.

कुठे किती पाऊस झाला?

गोव्यातील 13 पर्जन्यमापक केंद्रांपैकी आतापर्यंत एकाही ठिकाणी चांगला पाऊस झालेला नाही. केपे स्थानकात 1 ते 22 ऑगस्ट या कालावधीत सर्वाधिक 232.4 मिमी पाऊस पडला आहे. याच कालावधीत मडगाव स्थानकात केवळ 71.6 मि.मी. तर, पणजीत 115.4 मि.मी. पाऊस झाला आहे.

प्रत्येक मॉन्सून हंगामात पावसाची एक सरासरी ठरलेली असते. त्यानुसार जूनमध्ये सरासरी 31.28 टक्के पाऊस होतो. तर जुलैमध्ये सरासरी 35.75 टक्के पाऊस होतो. त्यानंतर ऑगस्टमध्ये 22.37 टक्के आणि सप्टेंबर महिन्यात 10.58 टक्के सरासरी पाऊस होत असतो.

वर्षभर जितका पाऊस भारतात होतो त्यात नैऋत्य मान्सूनमुळे पडणाऱ्या पावसाचा वाटा 90 टक्केहून अधिक आहे. गोव्यात सुमारे 644 मिमी पाऊस पडणे अपेक्षित होता, परंतु 1 ऑगस्ट ते 23 ऑगस्टपर्यंत फारच कमी पाऊस झाला आहे.

तापमानात वाढ

वाळपईचे कमाल तापमान 36 अंश सेल्सियसवर आहे. काणकोणमध्ये, 32.4, पणजीमध्ये 32 आणि वास्को द गामा येथे 29.1 सेल्सियस तापमान नोंदवले गेले आहे. भारतीय हवामान विभागाच्या (IMD) अल्तिनो येथील डॉपलर रडारवर कमी ढग दिसत आहेत.

त्यामुळे सौर किरण थेट पृथ्वीवर येतात. ढगांची अनुपस्थिती, कमी वारे, जास्त आर्द्रता यामुळे तापमान वाढल्याचे तज्ज्ञांचे मत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT