वेरे वाघुर्मे पंचायत क्षेत्रातील खेडे गावात ३३ वीज खांब उभारुन पथदीपांचे मंत्री गोविंद गावडेंकडून उद्घाटन. पंचायत क्षेत्रातील काही भागातील पाण्याची समस्या एनओसींमुळे रखडली असल्याची मंत्री गावडेंची माहिती. राजकारण्यांच्या भूलथापांना बळी पडू नका, असे आवाहान मंत्री गावडेंनी केले.

तिळारी खोऱ्यातील मोर्ले गावात वन्य हत्तीच्या हल्ल्यात लक्ष्मण गवस (७० वर्षे) या वृद्ध शेतकऱ्याचा मृत्यू. काजू बागायतीत गेले असता घडली दुर्देवी घटना.

बांबोळी मिलिटरी कॅम्पच्या बाजूलाच बेकायदेशीर वस्ती गेल्या काही वर्षांपासून वास्तवात आहेत. सप्टेंबर २०२२ मध्ये जिल्हाधिकाऱ्यांकडे याची लेखी तक्रार करून सुद्धा अजूनही काहीच हालचाल केली नाही. आमदार या नात्याने केलेल्या लेखी तक्रारीची दखल घेतली जात नाही याचाच अर्थ सरकारचा या वस्तीला पाठिंबा आहे. आता उच्च न्यायालयाने सुद्धा घालून दिलेल्या ८ प्रकारांमध्ये ही वस्ती येते. तेव्हा आतातरी ही वस्ती पाडणं जरूरी आहे असे आमदार विरेश बोरकर यांनी सांगितले.

प्रकाश भिवशेट हे म्हापसा नगरपरिषदेचे नवे उपाध्यक्ष होणार आहेत. या पदासाठी ते एकमेव उमेदवार होते, त्यामुळे त्यांची बिनविरोध निवड झाली आहे.

मोपा गावात गेल्या काही दिवसांपासून घरफोड्यांच्या घटनांमध्ये वाढ होत असून, यामुळे ग्रामस्थांमध्ये भीतीचं वातावरण पसरलं आहे. या घटनांमुळे त्रस्त झालेल्या ग्रामस्थांनी मोपा पोलीस स्टेशनमध्ये निवेदन देत रात्री पोलीस टेहाळणी वाढवण्याची मागणी केली आहे.

कुंभारजुवे भाजप मंडळाकडून स्वच्छता मोहीमेचा शुभारंभ. वेगवेगळ्या ४ गटांकडून ४ ठिकाणी मोहीम सुरू. ओल्ड गोवा गांधी सर्कलाजवळ मोहीमेत आमदार राजेश फळदेसाईंनी घेतला सहभाग.

डिचोलीमधील येथील माहिम ज्ञानेश्वर नाईक यांनी ५ एप्रिल २०२५ रोजी झालेल्या आयसीएन (आय कॉम्पिट नॅचरल) मुंबई मॅजेस्टिक ऑल इंडिया नॅशनल लेव्हल स्पर्धेत तीन पदके जिंकून गोव्याला अभिमान वाटला. अवघ्या २० वर्षांच्या वयात, माहिमने पुरुषांच्या फिटनेस ओपनमध्ये पहिले स्थान पटकावले, पुरुषांच्या फिटनेस नोव्हाइसमध्ये दुसरे स्थान मिळवले आणि २३ वर्षांखालील पुरुषांच्या फिटनेस प्रकारात चौथे स्थान मिळवले. त्याच्या उल्लेखनीय कामगिरीवरून नैसर्गिक शरीरसौष्ठव आणि फिटनेस क्षेत्रातील त्याच्या समर्पणाची आणि वाढत्या क्षमतेची झलक दिसून येते.

सोमवारी संध्याकाळी दावर्ली हाऊसिंग बोर्ड येथे एक दुःखद घटना घडली. दोन वर्षांचा मुलगा खेळत असताना चुकून त्याच्या घराशेजारील नाल्यात पडला आणि त्याचा मृत्यू झाला. मायना-कुडतरी पोलिसांनी या प्रकरणी अनैसर्गिक मृत्यू म्हणून गुन्हा दाखल केला आहे.

डिचोलीत कपड्यांच्या शोरूमला आग. सोमवारी रात्रीची घटना. अग्निशमन दलाकडून आग नियंत्रणात आणल्याने मोठी दुर्घटना टळली. इन्व्हर्टर जळाला. कपडेही जळाले.

वाळपई-सत्तरी येथे सोमवारी पडलेल्या पावसाने अनेकांचं मोठं नुकसान केलं आहे.

गेल्या वर्षी कळंगुट हॉटेलमध्ये तिच्या ४ वर्षांच्या मुलाची हत्या केल्याच्या आरोपाखाली अटक करण्यात आलेल्या एका अंडरट्रायल कैद्याने कोलवाळ कारागृहात एका महिला पोलिस कॉन्स्टेबलवर (एलपीसी) हल्ला केला.