गोवा विधानसभा निवडणुकीचे निकाल आज घोषित केले जात आहेत. दोन्ही राज्यात मतमोजणी सुरू झाली आहे. यासोबतच ईशान्येकडील राज्य मणिपूरमध्ये आजच निकाल येणार आहेत. गोव्यातील 40 विधानसभेच्या जागांसाठी, महाराष्ट्रवादी गोमंतक पक्ष (MGP), गोवा फॉरवर्ड पार्टी (GFP) आणि शिवसेनेसह भाजपा, काँग्रेस, AAP, TMC चे 301 उमेदवार रिंगणात आहेत. त्याचवेळी, मणिपूरच्या 60 विधानसभा जागांवर हे देखील ठरवले जाईल की, भाजप पुन्हा सरकार स्थापन करण्यात यशस्वी होणार की काँग्रेस (Congress) बाजी पलटणार? मागच्या वेळी मणिपूरमध्ये (Manipur) एन बिरेन सिंग यांनी सरकार स्थापन केले होते, जे 2016 मध्ये काँग्रेस सोडून पक्षात सामील झाले होते. (Goa and Manipur Election Results 2022)

दरम्यान, गोव्यात काँग्रेस 15 जागांवर आघाडीवर आहे, तर भाजप (BJP) 13 जागांवर आघाडीवर आहे. मणिपूरमध्ये भाजप 6 जागांवर आघाडीवर आहे, काँग्रेस 1 आणि जनता दल 2 जागांवर आघाडीवर आहे. पणजीच्या जागेवर भारतीय जनता पक्षाने आघाडी घेतली आहे. पणजीतून मोन्सेरात रिंगणात असून माजी मुख्यमंत्री (CM) मनोहर पर्रीकर यांचे पुत्र उत्पल यांचे त्यांच्यासमोर आवाहन आहे. त्यामुळे या मतदार संघाकडे संपूर्ण देशाचे लक्ष लागले आहे. दरम्यान देवेंद्र फडणवीस हे गोव्याच्या निकालावर लक्ष ठेवून आहेत वृत्तानुसार, भाजपचे गोवा (goa) प्रभारी आणि महाराष्ट्राचे माजी मुख्यमंत्री देवेंद्र फडणवीस सध्या हॉटेलमध्ये आहेत. ते अनेक बैठकांचे अध्यक्षपद भूषवत आहेत. फडणवीस हे निकालावर बारीक लक्ष ठेवून आहेत आणि सकाळी 11 वाजता भाजप प्रदेश कार्यालयात पोहोचणार आहेत.