Old Goa Police: ओल्ड गोवा पोलिसांनी जप्त केलेल्या ट्रकची चोरी केल्याचे प्रकरण समोर आले आहे. या ट्रक चोरला पोलिसांनी अटक केलीय. अपघातातील ट्रक खोर्ली येथे पार्क करण्यात आला होता, परिसरात कोणीही नसल्याचा फायदा घेत चोरट्याने ट्रकची चोरी केली होती.
शिवराम रमाकांत कदम (रा. इंदिरानगर, चिंबल) अस अटक करण्यात आलेल्या संशयित आरोपीचे नाव आहे.
पोलिसांनी दिलेल्या माहितीनुसार, कामगार झोपलेल्या अवस्थेत असताना तीन आठवड्यांपूर्वी एका शेडमध्ये भरधाव ट्रक घुसला. रात्रीच्या वेळेस चालकाचे नियंत्रण सुटल्याने हा अपघात झाला. याप्रकरणी पोलिसांनी घटनास्थळी पंचनामा करुन ट्रक ताब्यात घेतला होता.
ताब्यात घेतलेला ट्रक आयटीआय खोर्ली येथे पार्क करण्यात आला होता. संशयित चोरट्याने परिसरात कोणी नसल्याचा फायदा घेत ट्रकची चोरी केली. पोलिसांना माहिती मिळताच संशयिताला अटक करुन, ट्रक पुन्हा जप्त करण्यात आला आहे.
ओल्ड गोवा पोलीस स्टेशनच्या नव्या इमारतीचे सध्या काम सुरु असून, स्थानक तात्पुरत्या कालावधीसाठी स्थलांतरीत करण्यात आले आहे. त्यामुळे जप्त करण्यात आलेला ट्रक खोर्लीत पार्क करण्यात आल्याचे पोलीस म्हणालेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.