Goa Assembly Budget Session 2025:

पणजी: गोवा सरकारने अर्थसंकल्पीय अधिवेशनाची घोषणा केली आहे. २४ मार्चपासून तीन दिवस हे अर्थसंकल्पीय अधिवेशन चालणार आहे. काही दिवसांपूर्वी विधानसभेचे दोन दिवसांचे हिवाळी अधिवेशन पार पडले. त्यानंतर आता महत्वाच्या अर्थसंकल्पीय अधिवेशनाकडे सर्वांच्या नजरा लागल्या आहेत.

अर्थसंकल्पीय अधिवेशनात कोणत्या क्षेत्राला काय मिळणार? याकडे सर्वांच्या नजरा लागल्या आहेत. राज्यपाल पी. एस. श्रीधरन पिल्लई यांनी तीन दिवसांचे अर्थसंकल्पीय अधिवेशन बोलवले आहे. २४, २५ आणि २६ मार्च असे तीन दिवस हे अधिवेशन होणार आहे. २६ मार्च रोजी राज्याच अर्थसंकल्प जाहीर केला जाणार आहे.

विरोधी पक्षनेते युरी आलेमाव यांनी अधिवेशनाच्या कालावधीवरुन सरकारवर टीका केली आहे. "तीन दिवसांचे अधिवेशन बोलवून पक्ष (भाजप) विरोधकांना घाबरत असल्याचे दिसून येते. लोकशाहीच्या मूल्यांना डावलण्याचा प्रयत्न केला आहे. भाजप हुकूमशाही सामाजिक कार्यकर्त्यांना तुरुंगात टाकून त्यांचा आवाज दाबत आहे", असे आलेमाव यांनी म्हटले आहे.