Goa Konkani Academy :

पणजी, कोकणी भाषेतून लिहिले जाणारे साहित्य सध्या वि​विध भाषांमध्ये अनुवादित होत आहे. ही प्रक्रिया अशीच सुरू राहिल्यास कोकणी भाषेचा विकास होत जाईल व कोकणीतील साहित्य जगभरात पोहोचेल, असे प्रतिपादन केरळ कोकणी अकादमीचे माजी सचिव पी. राधाकृष्णन यांनी केले.

गोवा कोकणी अकादमीच्या स्थापनादिनाचे औचित्य साधून प्रा. वामन नायक यांच्या कोकणी अर्थशास्त्रीय शब्दकोषाचे प्रकाशन करण्यात आले. या सोहळ्यात प्रमुख पाहुणे म्हणून पी. राधाकृष्ण बोलत होते. ते म्हणाले,

कोकणी भाषेतील कथा, कविता तसेच इतर साहित्य विविध भाषांमध्ये अनुवादित होऊन प्रकाशित होत आहे. मल्याळम भाषेतही ते अनुवादित होत आहे. त्याचा फायदा कोकणी लेखक आणि वाचकांना मिळतोय.

दरम्यान, या कार्यक्रमात साहित्य अकादमी पुरस्कार विजेते लेखक डॉ. प्रकाश पर्येकर यांचा प्रमुख पाहुण्यांच्या हस्ते सन्मान करण्यात आला. डॉ. भूषण भावे यांचे ‘कोकणीच्या विद्यार्थ्यांसाठीच्या संधी’ या विषयावर व्याख्यान झाले.