Margoa, Goa: मत्स्यगंधा एक्सप्रेसमधून (Matsyagandha Express) पनवेलहून उडुपी येथे जाताना ज्यो मार्टिन्स नावाच्या प्रवाशाच्या आईकडे असलेली शोल्डर बॅग लंपास (Robbery) करून सुमारे सहा लाखांचे दागिने आणि रोख 50 हजार लंपास केले.

या प्रकरणी मडगाव कोकण रेल्वे (Kokan Railway) पोलिसात तक्रार नोंदविली आहे. मार्टिन्स यांच्या आईने या बॅगमध्ये दागिने आणि पैसे ठेवले होते. ती गाढ झोपेत असताना पहाटे पावणे तिनच्या सुमारास ही चोरी झाल्याचे तक्रारीत म्हटले आहे.

या बॅगेत 3 सोनसाखळ्या, 2 सोन्याच्या बांगड्या, आणि कर्णफुलाची जोडी एव्हढे दागिने व 50 हजार रोख ठेवले होते असे या तक्रारीत म्हटले आहे.