Goa: जिल्हा पंचायत निधीतून मये मतदारसंघातील (Mayem Constituency ) चोडण आणि पिळगाव येथे दोन ठिकाणी उभारण्यात आलेल्या गणेश विसर्जन स्थळांचे (Ganesha immersion Spot) काम पूर्ण झाले आहे. बुधवारी दोन्ही ठिकाणी आयोजित वेगवेगळ्या कार्यक्रमात आमदार प्रवीण झांट्ये (MLA Pravin Zatye) यांच्या हस्ते या प्रकल्पांचे उदघाटन करण्यात आले. कारभाट-चोडण येथे गणेश विसर्जन शेडच्या उदघाटन सोहळ्यावेळी उत्तर गोवा जिल्हा पंचायतीचे अध्यक्ष कार्तिक कुडणेकर (ZP President Kartik Kudnekar), जिल्हा पंचायत सदस्य शंकर चोडणकर, सरपंच कमलाकांत वाडयेकर, उपसरपंच बबिता कळंगुटकर, पंच दिक्षा कुंडईकर आणि अन्य उपस्थित होते.

बागवाडा-पिळगाव येथील कार्यक्रमावेळी आमदारांसमवेत जिल्हा पंचायत सदस्य महेश सावंत, पिळगावची उपसरपंच सौ. उर्मिला परबगावकर, स्थानिक पंच संदीप सालेलकर, अभियंते राजेश दळवी आदी उपस्थित होते. गावच्या विकासासाठी सर्व नागरिकांनी सहकार्य करावे. असे आवाहन आमदार झांट्ये यांनी केले. चतुर्थीपुर्वी गणपती विसर्जन स्थळाचे काम करण्यात आल्याने स्थानिक गणेशभक्त नागरिकांनी समाधान व्यक्त केले.