पणजी: महाराष्ट्रवादी गोमंतक पक्षातून (Maharashtrawadi Gomantak Paksha) भाजपमध्ये प्रवेश केलेले मंत्री मनोहर ऊर्फ बाबू आजगावकर (Babu Azgawkar) तसेच मंत्री दीपक पावसकर (Deepak Pawaskar) यांच्याविरुद्ध सादर केलेली आमदार अपात्रता याचिका सभापती राजेश पाटणेकर यांनी फेटाळली होती. सभापतींच्या या आदेशाला सुदिन ढवळीकर यांनी मुंबई उच्च न्यायालयाच्या गोवा खंडपीठात आव्हान दिले आहे. ही याचिका आज खंडपीठासमोर प्राथमिक सुनावणीस आली असता न्यायमूर्ती महेश सोनक यांनी ती सुनावणी घेण्यास नकार दिला त्यामुळे आता या याचिकेवरील सुनावणी वेगळ्या द्विसदस्यीय खंडपीठासमोर होणार आहे.