Goa Health: मडगाव येथील ईएसआय इस्पितळात शस्त्रक्रिया करताना सुनयना सिमो देसाई (50) या महिलेला आलेला मृत्यू ‘कार्डियाक अरेस्ट’ मुळे असे तपासणी केल्यानंतर निष्पन्न झाले आहे. असे जरी असले तरी उत्तरीय तपासणी करणाऱ्या डॉक्टरांच्या मंडळाने आपला निष्कर्ष राखून ठेवला असून त्या महिलेचा व्हीसेरा पुढील तपासणीसाठी राखून ठेवला आहे.

बुधवारी ही घटना घडली होती. डॉक्टरांच्या हलगर्जीपणामुळे ती महीला मृत पावल्याचा आरोप कुटुंबियांनी केल्यावर मडगाव पोलीसांनी अनैसर्गिक मृत्यू असे नमूद करून मृतदेह शवविच्छेदनासाठी पाठविला होता.

काल डॉ. मधू घोडकिरेकर, डॉ. साईनाथ वायगणकर, डॉ. सियानो फर्नाडीस व डॉ. विराज नमशिकर यांच्या पथकाने हे श विच्छेदन केले.

त्यानंतर मृतदेह तिच्या घरच्यांच्या स्वाधीन करण्यात आल्याची माहिती पोलिसांनी दिली. या महिलेस थायरोयड आणि ह्रदयाचाही त्रास होता, अशी माहिती वैद्यकीय मंडळाच्या समोर आली आहे.

बोटावर शस्त्रक्रिया

सदर महिलेच्या बोटाला सूज येऊन बोटाची संवेदना बोथट झाल्याने तिच्या बोटावर शस्त्रक्रिया करण्याचा निर्णय घेतला होता. शस्त्रक्रिया करण्यासाठीं तिला ऑपरेशन थिएटरमध्ये नेले असता तिचे तिथेच मृत्यू झाला होता.