पणजी: गोव्यात वाघांचा अधिवास वाढला असल्याचे वेळोवेळी निर्दशनास आले आहे. अलिकडे वाघांचे दर्शन चारपटीने वाढले असल्याचा अंदाज वर्तवला जात आहे. राज्यातील वाघांचा माघोवा घेऊन त्यांची नोंदणी (track and trace) करण्याची सूचना देण्यात आली आहे. अशी माहिती वनमंत्री विश्वजीत राणे (Vishwajit rane) यांनी सोमवारी (दि.18) विधीमंडळात दिली.
याबाबत अधिक माहिती देताना राणे म्हणाले, 'सुर्ली आणि मोलेम अभयारण्यातील (Surla and Mollem Wildlife Sanctury) पानस्थळी वनविभागाला कॅमेरे बसविण्यासाची सूचना देण्यात आली आहे. वाघांची संबधित परिसरातील हलचाल देखील याच्यामदतीने ट्रॅक केली जाईल. वनसंरक्षण खात्याचे प्रमुख संतोष कुमार आत्तापर्यंत निर्दशनास आलेले वाघ तेच की वेगळे आहेत याबाबत खात्रीशीर माहिती देऊ शकत नाहीत. वाघांसाठी योग्य अधिवास निर्माण करण्यासाठी आम्ही साकारात्मक आहोत.'
राणे पुढे म्हणाले, 'राज्यात वाघांची संख्या वाढविण्याच्या दृष्टीने योग्य पाऊले उचलली जात आहेत. त्याचाच भाग म्हणून वनविभागाने दोन तज्ञ सल्लागारांची निवड केली आहे. सध्या आढळून येणा-या वाघांबाबत निश्चित माहिती देता येणार नाही. पण, त्यांचा मागोवा घेतल्यानंतर याबाबत अधिक माहिती मिळेल. त्यासाठी वाघांना कॅमे-याच्या मदतीने ट्रॅक आणि ट्रेस केले जाईल.
केंद्राच्या इकोसेन्सेटिव्ह झोन बाबत देखील राणे यांनी प्रश्न उपस्थित केला. 99 गावे या इकोसेन्सेटिव्ह झोन मध्ये येत असून त्या गावक-यांचे स्थलांतर त्यासाठी जमीन असे प्रश्न समोर असल्याचे त्यांनी नमूद केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.