Goa casino extension 2027

पणजी : राज्यातील कॅसिनोचालकांवर सरकार मेहरबान झाले आहे. मांडवी नदीतील सहाही कॅसिनोंना सहा महिन्यांची नव्हे तर सरसकट मार्च २०२७ पर्यंतची मुदतवाढ सरकारने दिली आहे.

मांडवी नदीतील कॅसिनोंवर त्यांना स्थलांतर करावे लागणार अशी टांगती तलवार होती. सहा महिन्यांची मुदतवाढ मंत्रिमंडळ आजवर देत आले आहे. मध्यंतरी कॅसिनो धारगळ येथे हलवणार अशी चर्चा सुरू झाली होती. त्याला स्थानिकांचा विरोध होता.

भाजपविरोधात असताना त्यांनी मांडवी नदीतील कॅसिनो हटवावेत यासाठी स्व. मनोहर पर्रीकर यांच्या नेतृत्वाखाली आंदोलन केले होते. त्यानंतर कॅसिनोंना शेवटची असे सांगत सहा महिन्यांसाठी आजवर मुदतवाढ देण्यात आली आहे.

आताही मुख्यमंत्र्यांनी 'ही शेवटची मुदतवाढ' असा शब्दप्रयोग केला आहे. विधानसभा निवडणूक फेब्रुवारी २०२७ मध्ये होईल, असे डोळ्यांसमोर ठेवून सरकारने हा निर्णय घेतल्याचे दिसते. निवडणुकीवेळी हा मुद्दा चर्चेला येणार नसल्याची तजवीज आतापासूनच सरकारने करून घेतली आहे.