अवघ्या दोन दिवसांवर गणरायाचे आगमण आले असल्याने गोव्यातील अनेक बाजारपेठा फुलल्या आहेत. कोरोना सावटातून बाहेर पडल्यामूळे नागरिक ही यंदा गणेशोत्सव साजरा करण्यासाठी तयारीला लागले आहेत. यासाठी आवश्यक असणाऱ्या खरेदीकडे ग्राहक वळू लागले आहेत. या पार्श्वभूमीवर डिचोली बाजारपेठ फुलली आहे.

( Goa Ganesh Featival Bicholim market flourished for Ganesh Chaturthi)

दोन वर्षे सर्व सणांवर मर्यादा होत्या सध्या कोरोना संकट संपुर्णरित्या टळले नसले तरी बहूतांशी कमी झाले आहे. यामूळे यंदा गणेशोत्सवात खरेदीला ग्राहकांचा प्रतिसाद चांगला आहे. याबाबत डिचोली बाजारपेठेत विक्रेत्यांनी गोमंतकशी बोलताना सांगितले की, यंदा पावसाने काहीशी दडी मारली आहे. यामूळे बहुतांश रान फळे यंदा बाजारपेठांमध्ये कमी आहेत. असे असले तरी आवश्यक ती फळे - फुले पुरेशा प्रमाणात बाजारपेठेत उपलब्ध झाली आहेत.

तसेच जी फळे पावसाअभावी पुरेशाप्रमाणात बाजारपेठांमध्ये उपलब्ध होऊ शकलेली नाहीत यांच्या किंमती ही काहीशा वाढल्या आहेत. तसेच माटोळी लागणारी कांगल्यो, माट्टूला, सुपारीची शिंपडी हे साहित्य पुरेशा प्रमाणात बाजारात पोहोचले आहे. असे विक्रेत्यांनी गोमंतकशी बोलताना सांगितले.

तसेच ग्राहकांचा यंदा मिळत असलेला चांगला प्रतिसाद पाहता काही प्रमाणात फळ - फुल विक्रेत्यांमध्ये समाधानाचे वातावरण आहे. तसेच गणेशभक्तामध्ये ही वस्तूंची खरेदी उत्साहात होत असल्याचे चित्र आहे.