राज्याच्या मनुष्यबळ विकास महामंडळाकडून 944 जागांसाठी भरती प्रक्रिया सुरु करण्यात आली आहे. तत्पूर्वी, गोवा फॉरवर्ड पक्षाच्या नेत्यांनी आज (26 ऑक्टोबर) पणजीत पत्रकार परिषद घेवून या भरती प्रक्रियेवर प्रश्न उपस्थित केले. यासाठी एक अर्ज 50 रुपयांना विकण्यात आल्याचे सांगत त्यांनी घणाघात केला. या अर्जांच्या विक्रीतून सरकारने तब्बल 15 लाखांची कमाई केली. एवढ्यावरच न थांबता पक्षाचे नेते रामराव वाघ यांनी भरती प्रक्रियेमध्ये अनियमितता असल्याने ती रद्द करण्याची मागणी केली.
पत्रकार परिषदेत बोलताना वाघ म्हणाले की, ''मनुष्यबळ विकास महामंडळाकडून करण्यात आलेली भरती प्रक्रिया ऑनलाईन स्वरुपाची नव्हती. अर्जांची विक्री रोख पैसे घेवून करण्यात आली. ज्यावेळी महामंडळाकडून अर्जांची विक्री सुरु झाली तेव्हा उमेदवारांना तासन् तास वाट पाहावी लागली. आता विक्री संपलीय. महामंडळ 30 हजार उमेदवारांची मुलाखत घेणार का? घेणार असेल तर कोणत्या पद्धतीने नियोजन करणार?''
वाघ पुढे म्हणाले की, 'या जागांवर भरती करताना यामध्ये एससी, एसटी किंवा ओबीसी समाजासाठी कोणत्याही प्रकारचे आरक्षण (Reservation) ठेवण्यात आलेले नाही. याबाबत आम्ही एससी एसटी आयोगाकडे तक्रार केली होती. मात्र आयोगाने देखील आमच्या तक्रारीला उत्तर देणे योग्य समजले नाही.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.