पिसुर्ले: पर्ये मतदार संघात (Poriem Constituency) येणाऱ्या पर्ये पंचायत क्षेत्रातील गुरव वाड्यावरील (Gurav Waddem) सुशांती सुरेश नाईक, यांच्या आजाराची दखल घेऊन गोमंतक मराठा समाज सत्तरी शाखेच्या (Gomantak Maratha Samaj Sattari, Branch) वतीने त्यांना आर्थिक मदत देण्यात आली. गुरव वाड्यावर राहणाऱ्या सुशांती नाईक ही विधवा महिला गेल्या 20 वर्षांपासून सांधीवात (Arthritis) या आजारांमुळे त्रस्त होती. (Goa)

याची दखल गोमंतक मराठा समाजाच्या सत्तरी शाखेच्या वतीने घेऊन त्याप्रमाणे समाजाच्या केंद्रीय समितीकडे पत्रव्यवहार केला होता, त्याला यश प्राप्त होऊन केंद्रीय समिती आणि गोमंतक मराठा समाज सत्तरी शाखेच्या वतीने आर्थिक संकटात सापडलेल्या सुशांती नाईक हिला दहा हजारांचा धनादेश सुपूर्द करण्यात आला. या वेळी होंडा जिल्हा पंचायत सदस्य सगुण वाडकर, लक्ष्मिकांत नाईक, जयराम नाईक, सत्तरी तालुका गोमंतक मराठा समाजाचे अध्यक्ष अशोक नाईक हे उपस्थित होते.