गोवा विद्युत विभाग (Goa Electricity Department) भरती 2021 च्या कनिष्ठ अभियंता, इलेक्ट्रिकल आणि इतर 243 पदांसाठी साठी अधिसूचना जारी करण्यात आली आहे. अर्ज करण्यास इच्छुक असणारे उमेदवार goaelectricity.gov.in या वेबसाइटवर जाऊन अधिक माहिती मिळवू शकतात. ऑनलाईन अर्ज भरण्याची अंतिम तारीख 7 सप्टेंबर 2021 आहे.

गोवा विद्युत विभागाने ज्या पदांसाठी भरती मोहीम सुरू केली आहे त्यात कनिष्ठ अभियंता, इलेक्ट्रिकल, स्टेशन ऑपरेटर, लोअर डिव्हिजन लिपिक, वायरमन आणि मीटर रीडर या पदांचा समावेश आहे. या पदांसाठी अर्ज करणाऱ्या उमेदवारांचे वय 45 वर्षांपेक्षा जास्त नसावे. अर्ज करणाऱ्या उमेदवारांनी हे लक्षात घेणे आवश्यक आहे की प्रत्येक पदासाठी पात्रता निकष वेगवेगळे आहेत.

शैक्षणिक पात्रता

1) कनिष्ठ अभियंता, इलेक्ट्रिकल या पदासाठी उमेदवाराकडे मान्यताप्राप्त विद्यापीठातून पदवी किंवा पदविका प्रमाणपत्र असणे आवश्यक आहे. त्याचबरोबर उमेदवाराला कोकणी भाषा अवगत असणे आवश्यक आहे.

2) मीटर रीडर पदासाठी, उमेदवाराकडे दहावी परीक्षा पास झाल्याचे किंवा इतर कोणतीही समकक्ष परीक्षा उत्तीर्ण केलेले प्रमाणपत्र असणे आवश्यक आहे. त्याचबरोबर कोणत्याही मान्यताप्राप्त संस्थेतून इलेक्ट्रिशियन ट्रेडमध्ये आयटीआय केल्याचे प्रमाणपत्र असणे देखील अनिवार्य आहे.

3) त्याचबरोबर या पदासाठी अर्ज करणाऱ्या उमेदवारांनी कोणत्याही मान्यताप्राप्त संस्थेतून कंम्प्यूटरमध्ये डिप्लोमा केलेला असावा.

4) वरील सर्व पदांसाठी उमेदवारांना कोकणी भाषा अवगत असावी.

5) विद्युत विभागाच्या अधिकृत सूचनेनुसार, कोकणी भाषेसोबतच उमेदवारांना मराठी भाषा येणेदेखील महत्वाचे आहे.

6) पात्रता निकष आणि इतर महत्त्वाच्या तपशीलांसाठी उमेदवारांनी अधिकृत वेबसाइटला भेट देणे गरजेचे आहे.

• कनिष्ठ अभियंता (इलेक्ट्रिकल) - 56 जागा

• स्टेशन ऑपरेटर - 18 जागा

• निम्न विभाग लिपिक - 11 जागा

• लाइनमन/ वायरमन - 69 जागा

• मीटर रीडर - 79 जागा

गोवा विद्युत विभाग भरती 2021 साठी अर्ज कसा करावा

• पहिल्यांदा अधिकृत वेबसाइट goaelectricity.gov.in वर जा .

• उमेदवारांना प्रथम cbes.goa.gov.in वर नोंदणी करावी लागेल. तिथे आपला मेल आयडी, जन्मतारीख, अ‍ॅड केल्यानंतर उमेदवार अर्ज भरू शकतात.

• अर्ज भरताना उमेदवारांना त्यांचा फोटो, स्वाक्षरी आणि इतर आवश्यक कागदपत्रे अपलोड करावी लागतील.

• ऑनलाईन फी भरल्यानंतर संदर्भासाठी त्या फॉर्मची प्रत उमेदवारांकडे असणे आवश्यक आहे.

गोवा विद्युत विभाग भरती 2021: निवड प्रक्रिया

गोवा विद्युत विभागाकडून 243 पदांसाठी लेखी परीक्षा घेण्यात येणार आहे. त्यामध्ये सिलेक्ट झालेल्या उमेदवारांना कौशल्य किंवा अभियोग्यता चाचणी द्यावी लागेल. मात्र काही पदांसाठी, आधी कौशल्य किंवा अभियोग्यता चाचणी द्यावी लागेल आणि त्यानंतर पात्र उमेदवारांना लेखी चाचणीसाठी बोलावले जाईल.