पणजी: केंद्रीय शिक्षण मंत्रालयाने प्रत्येक राज्यातील जिल्हावार शैक्षणिक कामगिरी श्रेणी निर्देशांक २०२३-२४ जारी केली आहे. राज्यातील उत्तर आणि दक्षिण गोवा अशा दोन्ही जिल्ह्यांना प्रक्षेत्र १ श्रेणीत (५१%-६०% दरम्यान गुण) स्थान देण्यात आले आहे, प्रक्षेत्र १ श्रेणी प्राप्त झाल्याने राज्यभरातील शालेय शिक्षणाच्या दर्जांमध्ये माफक सुधारणा होत असल्याचे दिसून येते.

दक्षिण गोव्याने ६०० पैकी ३१६ गुण मिळवले, गेल्या वर्षीच्या तुलनेत प्रक्षेत्र १ मध्ये आपले स्थान कायम ठेवले (स्कोअर: ३११), तर उत्तर गोवा प्रक्षेत्र २ (स्कोअर :२०२२-२३ मध्ये ३००) वरून किंचित सुधारणा करून ३१३ गुणांसह प्रक्षेत्र १ वर पोहोचला.

प्रभावी वर्ग व्यवहारात ९० गुणांपैकी, उत्तर गोवा ६५ तर दक्षिण गोवा ६२ गुण प्राप्त झाले. पायाभूत सुविधा आणि विद्यार्थी हक्कांमध्ये ५१ गुणांपैकी दोन्ही जिल्ह्यांनी समान ३३ गुण मिळवले. शालेय सुरक्षा आणि बाल संरक्षणात ३५ पैकी उत्तर गोवा १९ तर दक्षिण गोवा १६ गुण मिळवले.

डिजिटल लर्निंग; उत्तर गोव्याला २६ गुण

डिजिटल लर्निंगमध्ये ५० पैकी उत्तर गोवा २६ आणि दक्षिण गोवा २४ गुण मिळवले. प्रशासन प्रक्रियेत ८४ पैकी उत्तर गोवा ४६ आणि दक्षिण ४३ गुण मिळवले. गोवाची एकूण कामगिरी प्रगतीची आहे.