पणजी: गोवा माध्यमिक आणि उच्च माध्यमिक शिक्षण मंडळाने इयत्ता नववीच्या राज्यशास्त्र आणि इतिहास पाठ्यपुस्तकात बदल केला आहे. त्या अनुषंगाने विद्यार्थ्यांना हा अभ्यासक्रम कशा प्रकारे शिकवावा यासंबंधी १२ ते १४ जून यादरम्यान सकाळी १० ते संध्‍याकाळी ४.३० या वेळेत शिक्षण शिक्षकांना मार्गदर्शन करण्यात येईल.

१२ रोजी तिसवाडी, बार्देश, पेडणे आणि डिचोलीतील शिक्षकांना मार्गदर्शन करण्यात येईल. १३ रोजी सत्तरी, फोंडा, धारबांदोडा आणि मुरगाव तर १४ रोजी सासष्टी, केपे, काणकोण आणि सांगेच्या शिक्षकांना मार्गदर्शन केले जाईल.

शिक्षकांसाठी कार्यशाळा

इयत्ता अकरावी आणि बारावीच्या इतिहास विषयाच्‍या शिक्षकांना आज बुधवारी शालान्त मंडळाद्वारे कार्यशाळा आयोजित करून विषयाच्या सुसूत्रीकरणासाठी मार्गदर्शन करण्यात आले. या कार्यशाळेला राज्यातील उच्च माध्यमिक विद्यालयांच्या इतिहास शिक्षकांनी मोठ्या संख्‍येने उपस्‍थिती लावली होती.