गोवा (Goa) राज्याचा दहावीचा निकाल(result) सोमवार (Monday) दि. 12 जुलै रोजी जाहीर झाला. कोरोना संकटामुळे (Covid 19) दहावीच्या परिक्षा रद्द करून अंतर्गत मुल्यांकनाद्वारे प्रत्येक हायस्कूलमध्ये निकाल समिती स्थापन करून हा निकाल तयार करण्यात आला. त्यानुसार राज्याचा निकाल 99.72 टक्के लागला. तुये (Tuyem) येथील डॉन बॉस्को हायस्कूलच्या (Don Bosco High-school) शालांत परीक्षेचा निकाल यंदा 100 टक्के लागला, गोव्यात दहावीच्या परीक्षेस 23,967 नियमीत विध्यार्थी होते, तर 517 पुन्हा बसलेले (repeaters) विद्यार्थी होते. एकूण 23 हजार 967 विद्यार्थ्यापैकी 23900 विद्यार्थी उत्तीर्ण झाले. यामध्ये 13 हजार 11 विद्यार्थ्यांपैकी 12 हजार 946 विद्यार्थी उत्तीर्ण झाले, तर 10 हजार 956 विद्यार्थिनींपैकी 10954 विद्यार्थिंनी उत्तीर्ण झाल्या.

डॉन बॉस्को हायस्कूल, तुये या प्रशालेतून एकूण ५५ विधार्थी परीक्षेत बसले होते. यामध्ये विशेष श्रेणीत १५ विधार्थी, प्रथम वर्ग २० तर द्वितीय वर्गात १५ विद्यार्थ्यांनी यश संपादन केले. ९२.८% गुणांसह हेमांगी हरमलकर वर्गात प्रथम, दिशा विश्वकर्मा ९१% गुणांसह द्वितीय तर आस्था राऊळ ८९.५ % गुणांसह तृतीय क्रमांक प्राप्त केला. यशवंत विद्यार्थ्यांचे मुख्याध्यापक फादर , शिक्षक व पालक संघटना यांनी अभिनंदन केले.