काणकोण: लोलिये येथून फसवणुकीची एक धक्कादायक घटना उडकीस आली आहे. अस्तित्वात नसलेल्या बंगल्याची विक्री करुन एका डॉक्टरला तब्बल १.२६ रोटी रुपयांचा गंडा घालण्यात आला आहे. या प्रकरणी तिघांच्या विरोधात फसवणुकीचा गुन्हा नोंद करण्यात आला आहे.

लोलिये, काणकोण येथे दीपक नाव्याच्या एका डॉक्टरला १ कोटी २६ लाख ५० हजार रुपयांचा गंडा घालण्यात आला आहे. याप्रकरणी ज्युलिया, फ्लोरा आणि सावियो असे तीन जणांविरोधात फसवणुकीचा गुन्हा नोंद करण्यात आला आहे.

मिळालेल्या माहितीनुसार, ज्युलिया, फ्लोरा आणि सावियो यांनी लोलिये येथे त्यांचा बंगला असल्याचा दावा करत, डॉक्टर असलेल्या दीपक या व्यक्तीला हयात नसलेल्या बंगल्याची १.२६ कोटी रुपयांना विक्री केली. तपास केला असता संबधित ठिकाणी बंगला नसल्याचे उघडकीस आले. पोलिसांनी याप्रकरणी गुन्हा नोंद केला असून, अधिक तपास केला जात आहे.