16th Finance Commission Goa Meeting

पणजी: गोवा सरकारने विविध प्रकल्पांच्या विकासासाठी ३२ हजार कोटी रुपयांच्या अनुदानाची मागणी केंद्र सरकारकडे केली आहे. या संदर्भात १६व्या वित्त आयोगाने केंद्र सरकारला शिफारस करावी, अशी विनंती गोवा सरकारने केली आहे. दोनापावल येथे आयोजित करण्यात आलेल्या वित्त आयोगाच्या बैठकीत ही मागणी सादर करण्यात आली.

मुख्यमंत्री प्रमोद सावंत यांनी या बैठकीत गोव्याच्या प्रगतीसाठी विविध योजनांची माहिती दिली. त्यांनी सांगितले की, गोव्यातील पायाभूत सुविधा, शिक्षण, आरोग्य, पर्यटन तसेच जलसंवर्धन या सारख्या क्षेत्रांमध्ये महत्त्वपूर्ण प्रकल्प हाती घेण्याची गरज आहे.

या प्रकल्पांसाठी वित्त आयोगाने आवश्यक निधी मंजूर करावा, अशी मागणी त्यांनी केली. मुख्यमंत्र्यांनी यावेळी केंद्र सरकारकडून यापूर्वी मिळालेल्या निधीचा प्रभावी उपयोग कसा केला गेला, याबाबतही माहिती दिली.