Goa: भर दीपावलीच्या दिवशी मये गांव (Mayem Village) अंधारमय (Dark) होऊन राहिला. त्यामुळे मयेवासियामध्ये संतापाची लाट पसरली आहे. डिचोली वीज विभागाच्या (Bicholim Electricity Department)सहायक अभियंत्यांना फोनद्वारे विचारल्यास ओव्हर लोड, झाडे, फांद्या पडतात असे कारण सांगण्यात आले.

परंतु मये गावी गेला महिनाभर विजेचा लपंडाव चालूच असून दिवसा तसेच रात्री विजेचा बंद करण्यात येतो. वीजमंत्री निलेश काब्राल यांनी याबाबत वीज अधिकाऱ्यांशी बोलून या समस्येचा सोक्षमोक्ष लावावा.

काही दिवसापुर्वी येथील समाज कार्यकर्ते संतोषकुमार सावंत यांनी डिचोलीच्या वीज कार्यालयात मोर्चा नेऊन वीज अधिकाऱ्यांना जाब विचारला होता. दहा पंधरा दिवसात प्रश्न सोडविला जाईल असे त्यांनी आश्वासनही दिले होते. परंतु पावसाळा संपला तरी अजुनही फांद्या, झाडे आणि ओव्हरलोडची सबब सांगितली जाते, हे संतापजनक होय.