Goa Dairy: गोवा डेअरीचा कारभार आता तीन सदस्यीय प्रशासकीय समितीकडे असणार आहे. सनदी अधिकारी पराग नगर्सेकर यांच्या अध्यक्षतेखाली ही समिती नेमण्यात आली आहे. नवीन संचालक मंडळाची निवड होईपर्यंत डेअरीचा कारभार या समितीकडे असणार आहे.

डेअरीतील कथित गैरव्यवहाराप्रकरणी सहकार निबंधकांकडून कारवाई केली जात आहे. आज, शुक्रवारी सहकार निबंधकांनी डेअरीच्या 9 संचालकांना अपात्र ठरविण्यात आले.

दरम्यान, ही कारवाई म्हणजे आमच्यावर अन्या आहे. या विरोधात आम्ही उच्च न्यायालयात दाद मागणार असल्याचे डेअरीचे चेअरमन राजेश फळदेसाई यांनी म्हटले होते.

6 कोटी रूपयांच्या गैरव्यवहाराप्रकरणी चौकशी केली जात होती. त्या अंतर्गत ही कारवाई करण्यात आली. डेअरीला तत्कालीन संचालक मंडळ आणि व्यवस्थापकीय संचालकांच्या सदोष निर्णयामुळे सहा कोटी रुपयांचे नुकसान झाल्याचा आरोप करण्यात आला होता.

त्यानतंर सहकार निबंधकाकडून 18 संचालकांना कारणे दाखवा नोटीस बजावण्यात आली होती.