Panaji Assault Case: पणजीत सलून मालकावर अज्ञाताचा चाकू हल्ला; गल्ल्यातील पैसे घेऊन पोबारा

Panaji Assault Case: पणजीतील सांतीनेझ भागात एका सलून दुकानात हल्ल्याची घटना घडली आहे. येथील एका सलून दुकानात संबंधित सलून मालकावर अज्ञाताने चाकू हल्ला केला. त्यानंतर गल्ल्यातील पैसे घेऊन संबंधित हल्लेखोर पळून गेला.

जखमी झालेल्या सलून मालकाला उपचारासाठी बांबोळीतील गोमॅको रूग्णालयात दाखल करण्यात आले आहे. त्याच्या जीवाला धोका नसल्याचे डॉक्टरांनी सांगितले आहे. दरम्यान, पणजी पोलिस या प्रकरणाचा तपास करत आहेत.

हल्लेखोराची ओळख पटविण्याचा प्रयत्न केला जात आहे. हल्लेखोराने हल्ला का केला, याचेही कारण समोर आलेले नाही. चोरीच्या उद्देशानेच हल्ला केल्याचा अंदाज आहे.