Goa Crime: गोव्यात पर्यटनासाठी आलेल्या दिल्लीतील दोन पर्यटकांना मारहाण केल्याची घटना घडली आहे. शिवालीत हा प्रकार घडल्याचे सांगितले जात आहे. येथील एका सुप्रसिद्ध हॉटेलच्या कर्मचाऱ्यांनीच या दोन्ही पर्यटकांना मारहाण केल्याचे सांगितले जात आहे.

या पर्यटकांच्या म्हणण्यानुसार त्यांची तक्रार दाखल करून घेतली जात नाहीय. एका सिक्युरिटी गार्डच्या स्कूटरला या पर्यटकांच्या कारचा हलकासा धक्का लागला होता. त्यावरून ही मारहाण झाल्याचा आरोप पर्यटक करत आहेत.

पहाटे साडेतीनच्या सुमारास हा प्रकार घडला आहे. दरम्यान, संबंधित कर्मचाऱ्यांनी या पर्यटकांना ऑनलाईन पेमेंट करा, असेही धमकावल्याचे हे पर्यटक सांगताहेत. या दोन्ही पर्यटकांना मारहाण करण्यात आली आहे.

त्यांच्या शरीरावरील व्रणाचे फोटो व्हॉट्सअॅपवरून व्हायरल झाले आहेत.