दिल्ली येथून गोव्यात पर्यटनासाठी आलेला आय्याझ सिद्दीकी (वय २५) याने रविवारी कोलवा येथील एका हॉटेलमध्ये गळफास घेऊन आत्महत्या केली. हा पर्यटक हॉटेल कोलमारमध्ये उतरला होता.

आत्महत्या करण्यापूर्वी त्याने उर्दू भाषेत चिठ्ठी लिहून ठेवल्याची माहिती पोलिसांनी दिली. याप्रकरणी पोलिस अधिक तपास करत आहेत. आय्याझ हा गोवा फिरण्यासाठी आला होता. हॉटेलमध्ये तो जेव्हा उतरला तेव्हा अशी काही कृती करेल असे कुणालाही वाटले नव्हते. पोलिसांनी पंचनामा करून उर्दू भाषेत काय लिहिले आहे, याचा तपास सुरू केला आहे.