Goa Crime: हिसडा मारून मोबाईल फोन पळवून नेणाऱ्या चोरट्यास साळगाव पोलिसांनी अटक केली. शाबिर हजरत अली बलूर (वय २३) असे त्याचे नाव आहे. तो मूळचा ओड्डा वाडी, कांदोळी, बार्देश येथील रहिवासी आहे.

या आधीही साळगाव पोलिस स्टेशनमध्ये नोंद असलेल्या एका गुन्ह्यात तो पोलिसांना हवा होता. साळीगाव चर्च येथे पोलिसांची चाहूल लागताच तो पळून जाण्यात यशस्वी ठरला होता. त्याची चौकशी केल्यानंतर त्याला समाधानकारक उत्तरे देता आली नाहीत.

तसेच तो तिथे का आला होता, हे देखील त्याला सांगता आले नाही. चौकशीत त्याने मोबाईल फोन हिसडा मारून चोरून नेल्याचे सांगितले. म्हापसा पोलिस अधिक तपास करत आहेत.