साखळी: चिकणे, कुडणे - साखळी येथील शैला संजय घाडी या महिलेचा खून करून पसार झालेल्या सावंतवाडी - महाराष्ट्र येथील सागर राऊळ याला ठाणे मुंबईत अटक केल्यानंतर शुक्रवारी सकाळी त्याला डिचोली पोलिस स्थानकात आणण्यात आले. त्याला डिचोली प्रथमश्रेणी न्यायालयात हजर केले असता १० दिवस पोलिस कोठडीत देण्यात आली.

संशयित सागर राऊळ याने शैला यांच्यासमोर धाकट्या मुलीशी लग्न करण्याचा प्रस्ताव ठेवला होता. हा प्रस्ताव फेटाळल्याने सागर याने थेट आईचाच काटा काढला. गेल्या १९ मे रोजी दुपारी ३.३० वा. च्या सुमारास हा खुनाचा प्रकार घडला होता.

खून करून फरार झालेल्या मळईवाडी, शिरशिंगे, सावंतवाडी महाराष्ट्र येथील सागर रमेश राऊळ या संशयिताला डिचोली पोलिसांनी वसई विरार पोलिस आयुक्तालयाच्या मीरा भाईंदर येथील गुन्हे शाखा युनिट चारच्या पोलिसांच्या सहकार्याने अटक केली होती.