फातोर्डा : एकावर सुरी हल्ला केल्याप्रकरणी जॅक्सन फेर्राव याला मडगावच्या प्रथम वर्ग न्यायालयाने जामिनावर मुक्त केले आहे .

हे प्रकरण कोलवा पोलीस स्टेशनच्या हद्दीत घडले होते. यावेळी बाणावली येथे सुरु असलेल्या एका फ़ुटबाॅल सामन्यादरम्यान संशयित आरोपीने डॉमनिक फर्नांडिस याच्यावर धारदार शस्त्राने प्रहार करून त्याला जखमी केले होते.

या प्रकरणी प्रथमवर्ग न्यायालयात सुनावणी होऊन असहायित आरोपीला 25 हजार रुपये जामीन रक्कम दिल्यावर न्यायालयाने त्याला मुक्त केले आहे. याप्रकरणी कोलवा पोलिसांनी संशयित आरोपीवर भा द स 326 कलम अंतर्गत गुन्हा दाखल केला होता.

दरम्यान, म्हापसा येथील कथित गोळीबार प्रकरणात अटक केलेल्या तीन संशयित आरोपींना म्हापसा जीएमएफसी कोर्टाने प्रत्येकी 20 हजार रुपयांच्या जातमुचलक्यावर सशर्त जामीन मंजूर केला. तर, बस्तोडा उड्डाणपुलावर एका प्रवाशाला अटकाव करीत दहशत माजवल्याप्रकरणी न्यायालयाने या तिघांना जामीन मंजूर केला होता.