Double Murder in Saligao: साळीगाव येथील मुड्डावाडो परिसरातून एका धक्कादायक घटना समोर आली आहे. येथील एका घरात दोन व्यक्तींचे मृतदेह आढळल्याने परिसरात एकच खळबळ उडाली. प्राथमिक माहितीनुसार, या दोघांची हत्या त्यांच्याच भाडेकरुने केली असावी, असा पोलिसांना दाट संशय आहे. मात्र, भाडेकरुने कोणत्या कारणावरुन हे कृत्य केले हे अद्याप स्पष्ट झालेले नाही. या घटनेने परिसरात भीतीचे वातावरण पसरले आहे.

मुड्डावाडो भागातील लक्ष्मी नारायण मंदिरामागे एका भाड्याच्या खोलीत या दोघांचे मृतदेह आढळून आले. रिचर्ड डी'मेल्लो आणि सोनू सिंग अशी मृत व्यक्तींची नावे आहेत. ही दुहेरी हत्याकांडाची घटना आहे.

दरम्यान, या घटनेची माहिती मिळताच पोलीस तातडीने मुड्डावाडो येथील घटनास्थळी दाखल झाले आहेत. पोलिसांनी पंचनामा सुरु केला असून या दुहेरी हत्येमागील नेमके कारण आणि आरोपी भाडेकरुचा शोध घेण्यासाठी कसून तपास सुरु आहे. भाडेकरु आणि मालक यांच्यातील वादातून हा प्रकार घडला असावा, असा पोलिसांचा (Police) प्राथमिक कयास आहे. पोलीस आरोपीला लवकरात लवकर पकडण्यासाठी स्थानिक आणि तांत्रिक पुरावे गोळा करत आहेत.