Goa Crime News: नोव्हेंबर रोजी कोलवा येथील एका मोटारीतून ऐवज पळवून चोरी केल्याप्रकरणी कोलवा पोलिसांनी दोघांना आज अटक केली. हाउसिंग बोर्ड-मडगाव येथील 35 वर्षीय वासीम सय्यद व फातोर्डा येथील 37 वर्षीय यासीन शेख अशी पकडलेल्या चोरांची नावे आहेत. कोलवा पोलिस स्थानकाच्या पोलिस निरीक्षकांच्या मार्गदर्शनाखाली ही कारवाई झाली.

शापोरा नदीमध्ये सापडला मृतदेह

रेवोडा येथील शापोरा नदीपात्रात शुक्रवारी रात्री उशिरा अंदाजे 40 वर्षे वय असलेल्या अज्ञाताचा मृतदेह सापडला. कोलवाळ पोलिस स्थानकात बेपत्ता झाल्याची कुणी तक्रार केली नसल्याने मृतदेह पंचनामा करून गोमेकॉच्या शवागारात ठेवला आहे.

मात्र, शवचिकित्सा केलेली नाही, असे पोलिसांनी सांगितले. हा इसम नदीत बुडाला असावा, असा पोलिसांचा कयास आहे.