पणजी: राज्यात आज सोमवारी 903 कोरोना संशयितांच्या चाचण्या करण्यात आल्या. त्यापैकी 120 जणांचा अहवाल पॉझिटिव्ह आले आहेत. तर दिवसभरात 85 जण कोरोनामुक्त झाले आहेत. सध्या राज्यात एकूण सक्रिय रुग्णांची संख्या 946 इतकी झाली आहे.

आज दिवसभरात कोरोनामुळे कोनाचाही बळी गेला नसल्याने बळींचा आकडा 3955 कायम आहे. राज्यात आतापर्यंत 253136 नागरिकांना कोरोनाची बाधा झाली असून यापैकी 2,48,261 लोक पूर्णपणे बरे झाले असून बरे होण्याचे प्रमाण 98.06 टक्के आहे.

Nagargaon मध्ये मोबाईल टॉवर भाडे घोटाळा झाल्याचा आरोप

पणजी: सर्वांत युवा सरपंच म्हणून बहुमान मिळवणारे नगरगाव-सत्तरी पंचायतीचे माजी सरपंच पराग खाडिलकर यांच्या सन 2017 ते 2018 या कार्यकाळात मोबाईल टॉवर करारविषयक आर्थिक घोटाळा झाल्याचा आरोप होत आहे. या संदर्भात स्थानिक ग्रामस्थ अर्जुन गुरव यांनी मुख्यमंत्री प्रमोद सावंत यांच्याकडे तक्रार दाखल केली आहे.

गुरव यांनी तक्रारीत नमूद केले आहे की, माहिती अधिकारातून उपलब्ध झालेल्या माहितीनुसार पंचायत नोंदीप्रमाणे नगरगाव पंचायत कार्यक्षेत्रात सात टॉवर आहेत. त्‍यात भारत संचार निगमचे टॉवर, इंडस टॉवर, रिलायन्स, जिओ, इफॉकॉम लिमिटेडचा समावेश आहे. परंतु, पंचायतीने टॉवर मालक आणि ज्या जमीन मालकांच्या जागेत हे टॉवर आहेत त्यांच्याकडून कोणतेही भाडे अथवा कर घेतलेला नाही.