Goa Covid Guidelines: कोविड प्रकरणांची वाढती संख्या पाहता सरकार शाळांवर निर्बंध घातले आहेत, मात्र नाईट कर्फ्यूबाबत अद्याप निर्णय घेण्यात आलेला नाही, अशी माहिती मुख्यमंत्री प्रमोद सावंत (CM Sawant) यांनी आज दिली. आज टास्क फोर्सच्या झालेल्या बैठकीनंतर ते पत्रकारांशी बोलत होते. ते पुढे म्हणाले की "निर्बंधांबद्दल तपशीलवार नोट लवकरच जारी केली जाईल,"

परीक्षा होणार ऑफलाईन :

सरकारने शाळा (Goa School) आणि महाविद्यालयीन विद्यार्थ्यांसाठी (Goa College) उद्यापासून 26 जानेवारीपर्यंत ऑफलाईन वर्ग बंद ठेवण्याचा निर्णय घेतला आहे. तसेच इयत्ता 10, 11 आणि 12 मध्ये शिकणाऱ्या विद्यार्थ्यांना कोविड लसीचे (Covid Vaccination) डोस दिले जात असल्याने त्यांना शाळेत जावे लागेल. पहिला डोस झाल्यानंतर ते घरीच राहू शकतात आणि ऑनलाइन वर्ग (Online Class) सुरू ठेवू शकतात, अशी माहिती तज्ञ समितीचे सदस्य डॉ शेखर साळकर यांनी दिली.

समारंभावर पुढील निर्बंध लादले जातील

टास्क फोर्स समितीने 26 जानेवारीपर्यंत रात्री 11 ते सकाळी 6 पर्यंत रात्री कर्फ्यूची शिफारस केली आहे. दरम्यान घरातील समारंभावर पुढील निर्बंध लादले जातील, तथापि खुल्या हवेतील समारंभात कमी निर्बंध असतील, अशी माहिती डॉ साळकर यांनी दिली.