Goa Congress: गोवा मुक्तिदिनाचे औचित्य साधून आज काँग्रेस कार्यकर्त्यांनी आज ज्या ऐतिहासिक मैदानावरून गोवा मुक्तीची हाक दिली होती त्या लोहिया मैदानावर मुक्ती दिन सोहळा साजरा करतांना आता गोव्याला भ्रष्टाचारी भाजप सरकार पासून मुक्ती मिळणे ही काळाची गरज आहे अशी हाक दिली.

यावेळी बोलतांना सावीयो कुतीन्हो यांनी मडगाव शहरात भ्रष्टाचार शिगेला पोहोचला असून मडगावचा प्रत्येक नागरिक त्यात भरडून गेला आहे.

स्वातंत्र्य सैनिकांनी त्याग करून गोवा मुक्त केला मात्र आता या भ्रष्टाचारी राजकारण्यांनी पुन्हा एकदा गुलाम बनविले आहे असे ते म्हणाले.

यावेळी काँग्रेस कार्यकर्त्यांनो लोहियांच्या पुतळ्याला पुष्पहार अर्पण करून आदरांजली वाहिली. यावेळी एल्विस गोम्स, योगेश नागवेकर व अन्य पदाधिकारी उपस्थित होते.