पणजी: विधानसभा निवडणुकीसाठी काँग्रेसने आपली दुसरी यादी जाहीर केली असून मुख्यमंत्री डॉ. प्रमोद सावंत यांच्या साखळी मतदारसंघातून पुन्हा एकदा साखळीचे माजी नगराध्यक्ष धर्मेश सगलानी (Dharmesh Saglani) यांना उमेदवारी जाहीर केली आहे. त्यामुळे कॉंग्रेसच्या उमेदवारांच्या यादीतील महादेव खांडेकर यांचा पत्ता कट झाला आहे. काँग्रेस सरचिटणीस डेस्क इनचार्ज मुकुल वासनिक यांनी आज जाहीर केलेल्या यादीमध्ये त्यांचे नाव आहे. (Goa Congress again announces Dharmesh Saglani candidature against CM Pramod sawant)

विधानसभा निवडणुकीसाठी (Goa Assembly Election) राज्यात राजकीय घडामोडींना वेग आला असून विविध राजकीय पक्ष (Goa Political Party) आपल्या उमेदवारांच्या याद्या जाहीर करत आहेत. आज आम आदमी पक्षाने आपली चौथी उमेदवार यादी जाहीर केली असताना काँग्रेसने तिसरी उमेदवारी यादी जाहीर केली आहे. यामध्ये प्रामुख्याने मुख्यमंत्री सावंत (CM Sawant) यांच्या साखळी विधानसभा मतदारसंघामधून पुन्हा एकदा धर्मेश सगलानी यांना उमेदवारी जाहीर केली आहे. सगलानी यांनी 2017 मध्येही मुख्यमंत्र्यांना कडवी लढत दिली होती. यापूर्वी राजकीय कारणास्तव चर्चेत राहिलेल्या अन्य काही नेत्यांना कॉंग्रेसने (Congress) उमेदवारी दिली आहे. यामध्ये कळंगुटमध्ये मायकल लोबो, मडकईमध्ये लवू मामलेदार, सांगेत प्रसाद गावकर यांचा समावेश आहे.