गोवा: "हर घर तिरंगा" मोहिमेदरम्यान 13 ऑगस्ट रोजी फडकवण्यात आलेले राष्ट्रध्वज 15 ऑगस्टच्या सायंकाळपर्यंत काढणे अनिवार्य होते, मात्र आद्याप हे राष्ट्रध्वज काढले नाहीत. सार्वजनीक ठिकाणचे तसेच घर आणि इतर ठिकाणचे राष्ट्रध्वज हटवण्याचे आदेश जिल्हाधिकारी लवकरच जारी करतील, आशी माहिती मुख्यमंत्री सावंत यांनी केली.

(Goa CM Sawant says District Collectors will issue orders soon to remove national flags at homes and other places)

स्वातंत्र्याच्या अमृत महोत्सवानिमित्त ‘आजादी का अमृत महोत्सव’ आणि ‘हर घर तिरंगा’ हे उपक्रम यशस्वी करण्यासाठी भाजपने प्रचार केला होता. आपल्या विविध मोर्चांना सक्रिय केले होते. भाजपच्या कार्यालयात विविध मोर्चांच्या पदाधिकाऱ्यांना हे अभियान यशस्वी करण्याचे आवाहन करण्यात आले होते.

पंतप्रधान नरेंद्र मोदींनी केले होते आवाहन

पंतप्रधान नरेंद्र मोदी यांनी शुक्रवारी भारतीयांना 13 ते 14 ऑगस्ट दरम्यान घरोघरी राष्ट्रध्वज फडकावून किंवा प्रदर्शित करून 'हर घर तिरंगा' चळवळ मजबूत करण्याचे आवाहन केले. ट्विट करत ते म्हणाले की या चळवळीमुळे तिरंग्याशी आमचा संबंध अधिक दृढ होईल आणि त्यांनी नमूद केले की 22 जुलै 1947 रोजी राष्ट्रध्वज स्वीकारण्यात आला होता.