राष्ट्रपिता महात्मा गांधी यांच्या जयंती निमित्त गोव्याचे मुख्यमंत्री प्रमोद सावंत यांनी महात्मा गांधी यांना आदरांजली अर्पण केली.

मुख्यमंत्री प्रमोद सावंत यांनी महात्मा गांधी यांच्या जुने गोवे येथील पूर्णाकृती पुतळ्याला पुष्पहार अर्पण केला.

यावेळी कुंभारजुवाचे आमदार राजेश फळदेसाई, सांताक्रुझचे आमदार रूडॉल्फ फर्नाडिस तसेच, पंच सदस्य उपस्थित होते.

आजच देशाचे दुसरे पंतप्रधान लाल बहादूर शास्त्री यांची देखील जयंती साजरी केली जाते. मुख्यमंत्री प्रमोद यांनी लाल बहादूर शास्त्री यांच्या प्रतिमेला पुष्पहार घालून आदरांजली वाहिली.

यावेळी केंद्रीय पर्यटन राज्यमंत्री श्रीपाद नाईक, आमदार व पंच सदस्य उपस्थित होते.

गोव्याचे राज्यपाल पी. एस. श्रीधरन पिल्लई यांनी देखील राजभवन परिसरातील महात्मा गांधी यांच्या पुतळ्याला पुष्पहार घालून आदरांजली दिली.

यावेळी राजभवनातील कर्मचारी तसेच अधिकारी उपस्थित होते.