डिचोली: तौक्ते' चक्रीवादळाचा (Toukte Cyclone) तडाखा बसून नुकसानी झालेल्या डिचोलीतील (Bicholim) आपदग्रस्तांना (disaster victims) मुख्यमंत्री सहायता निधीतून (CM Assistance Fund) आर्थिक मदत करण्यात आली आहे. डिचोलीचे आमदार तथा सभापती राजेश पाटणेकर यांनी डिचोली येथे आपल्या कार्यालयात आयोजित कार्यक्रमात नुकसानग्रस्तांना आर्थिक मदतीचे धनादेश वितरीत केले. डिचोली मतदारसंघातील एकूण 20 जणांना मिळून 5 लाख रुपयांच्या मदतीचे वितरण करण्यात आली आहे.

नैसर्गिक आपत्तीमुळे संकटात येणाऱ्या आपदग्रस्तांना मदतीचा हात देण्यासाठी सरकार आग्रही असते. चक्रीवादळाचा तडाखा बसलेल्या सर्वांना मदत द्यावी. अशी मागणी आपण सरकारकडे केली आहे. असे सभापती पाटणेकर म्हणाले.

मागील 16 मे रोजी डिचोलीतील बहूतेक भागात चक्रीवादळाचा तडाखा बसला होता. या चक्रीवादळात प्रचंड नुकसानी झाली आहे. तालुक्यातील अनेकजण अजूनही सरकारी मदतीच्या प्रतीक्षेत आहेत.