Chandrakant Shetye Statement: छत्रपती शिवाजी महाराज मंडळाच्या कार्याची दखल नेहरू युवा केंद्राने घेतलेली आहे. आज गोव्यातील एक उत्कृष्ट क्लब म्हणून त्याचा गौरव झालेला आहे. या क्लबला ग्रामीण वाचनालय देण्यासाठी मी सरकार दरबारी प्रयत्न करेन, अशी ग्वाही आमदार चंद्रकांत शेट्ये यांनी दिली.

खोलपेवाडीतील छत्रपती शिवाजी महाराज क्रीडा आणि संस्कृती क्लबच्या श्री केळेश्वर मंदिराच्या सभागृहात आयोजित आठव्या वर्धापन सोहळ्यात उद्‌घाटक या नात्याने ते बोलत होते. यावेळी आमदार शेट्ये यांनी छत्रपती शिवाजी महाराजांच्या पुतळ्यास पुष्पहार अर्पण केला.

नेहरू युवा केंद्राचे उपसंचालक कालिदास घाटवळ, लोककलाकार कांता गावडे, साळच्या सरपंच सावित्री घाडी, पंच विशाल परब, पंच मनोहर शिंदे, सम्राट क्लब लाटंबार्सेचे अध्यक्ष नितीन नाईक, सम्राट क्लबचे सदस्य कृष्णराव राणे, क्लबचे अध्यक्ष रामदास वरक, उपाध्यक्ष विजय सावळ, सचिव मंदार पाटील, खजिनदार संतोष झोरे आदी मान्यवर उपस्थित होते.