पर्ये: पर्ये सत्तरी येथील वैशिष्ट्य पूर्ण दसरोत्सव (Dussehra) मोठ्या उत्साहात साजरा करण्यात आला. येथील श्री रवळनाथ मंदिराच्या (Ravalnath Temple) प्रांगणात देव रवळनाथ, देव भूतनाथ व देवी पावणाई यांची तरंगे व देव रवळनाथ यांचा कळस यांची विधिवत पूजा अर्चा व गाऱ्हाणे घातल्यावर तिन्ही तरंगे व कळसाचे प्रस्थान कलम वृक्षाकडे गेली.

तिथे पूजा अर्चा झाल्यावर भाविकांनी (Devotees) कलमाची पाने सोने लुटण्याचा कार्यक्रम झाला. त्यानंतर महादेव मंदिरासमोरील खुल्या जागेत शिवलिंग विधी झाला. यावेळी तिन्ही तरंगाच्या भेटी गाठी झाल्या. त्यानंतर तरंगे महादेव मंदिराला पाच फेरे मारण्याचा विधी व पूजा अर्चा झाली.

त्यानंतर तिन्ही तरंगे माजीकवाडा (Tarange Majikwada) येथे सीमोल्लंघन करून पुन्हा रवळनाथ मंदिरात आली. त्यानंतर मंदिरात भाविकांना कौल दिला.

या तरंगोत्सवाला भाविकांनी मोठी उपस्थिती लावली होती.