Goa: आवश्यकता भासल्‍यास गोवा राज्य ‘कॅसिनो कॅपिटल’ (Casino) म्हणून प्रमोट केले जाईल, असे केंद्रीय पर्यटन आणि संस्कृती मंत्री जी. किशन रेड्डी यांनी सांगितले. पणजीच्या (Panjim) पर्यटन भवनात आयोजित पत्रकार परिषदेत ते बोलत होते. यावेळी केंद्रीय पर्यटन राज्यमंत्री श्रीपाद नाईक, खासदार विनय तेंडुलकर, गोवा पर्यटन विकास महामंडळाचे अध्यक्ष दयानंद सोपटे उपस्थित होते.

रेड्डी म्हणाले की, देशात गोवा आणि सिक्कीम (Sikkim) या दोनच राज्‍यांमध्‍ये कॅसिनो उद्योग आहे. मात्र, देशभरातील लोकांनी गोव्यातील कॅसिनोला मान्यता दिली आहे. त्यासाठी वेगळ्या प्रयत्नांची गरज नाही. पण आवश्यकता वाटल्यास गोवा राज्य ‘कॅसिनो कॅपिटल’ म्हणून प्रमोट करू. गोव्यात देशी-विदेशी पर्यटक मोठ्या संख्येेने येतात.

मंत्री रेड्डी यांच्या हस्ते शनिवारी आग्वाद किल्ला, से कॅथेड्रल चर्च आणि कुर्डी येथील श्री महादेव मंदिरात येणाऱ्यांसाठी विशेष सुविधांचा प्रारंभ करण्यात आला. रोषणाई, पार्किंग, सौंदर्यीकरण प्रकल्पांची पायाभरणी करण्यात आली. देशातील आघाडीची ७५ पर्यटनस्थळे आंतरराष्ट्रीय मानकांनुसार विकसित केली जाणार आहेत अशी माहिती रेड्डी यांनी दिली.