Calangute : पोलिसांचा चांगुलपणा अनेकदा दुर्लक्षित केला जातो पण या घटनेच्या निमित्ताने पुन्हा एकदा पोलिसांमधील चांगुलपणा समोर आला आहे. (Goa Crime News)

कळंगुट पोलिसांनी चांगुलपणा तसेच प्रामाणिकपणा दाखवत पुण्यातील एका व्यक्तीला त्यांचे हरवलेले दागिने पुन्हा परत केले आहेत. आपले कर्तव्य चोखपणे बजावत दागिने परत मिळवून दिल्याबद्दल यावेळी पुण्यातील पर्यटकाने पोलीस निरीक्षक तसेच इतरांचे आभार मानले.

अधिक माहिती अशी की, पुण्यातील नागरिक सौरव धाकटे हे आपल्या कुटुंबीयांसह कळंगुट येथे आले असता त्यांचे दागिने हरवले होते. या दागिन्यांची किंमत सुमारे ६ लाख रुपये एवढी होती. या प्रकारानंतर त्यांनी कळंगुट पोलिसांना याबाबतची तक्रार दिली होती.

या तक्रारीच्या आधारे निरीक्षक दत्तगुरु सावंत, उपनिरीक्षक राजाराम बागकर तसेच इतरांनी दागिन्यांचा शोध घेतला. दागिने आढळून आल्यावर पोलिसांनी ते मूळ मालकाच्या ताब्यात दिले. आपले कर्तव्य चोखपणे बजावत दागिने परत मिळवून दिल्याबद्दल धाकटे यांनी निरीक्षक तसेच इतरांचे आभार मानले आहे.