पर्वरी: भाजप पर्वरी मंडळाच्या युवा समितीची घोषणा नुकतीच करण्यात आली. या कार्यक्रमाला प्रमुख पाहुणे म्हणून पर्यटन तथा माहिती व तंत्रज्ञान मंत्री रोहन खंवटे उपस्थित होते. यावेळी खंवटे यांनी २०२७ च्या विधानसभा निवडणुकीत भाजपला स्पष्ट बहुमत मिळेल, असा ठाम विश्वास व्यक्त केला. युवकांनी सोशल मीडियावरील अफवा आणि विरोधकांच्या भूलथापांना बळी पडू नये, असे आवाहनही त्यांनी केले.

भाजयुमोचे प्रदेशाध्यक्ष तुषार केळकर यांनीही मार्गदर्शन केले. यावेळी भाजप (BJP) प्रदेश उपाध्यक्ष कुंदा चोडणकर, दिव्यांग आयुक्त गुरुप्रसाद पावसकर, जिल्हा पंचायत सदस्य संदीप साळगावकर, अमित अस्नोडकर, पेन्ह-द-फ्रान्काचे सरपंच सपनील चोडणकर, सुकूरच्या सरपंच सोनिया पेडणेकर, पर्वरी महिला मोर्चा अध्यक्ष रिना फर्नांडिस, अल्पसंख्याक मोर्चा प्रदेशाध्यक्ष दत्ताराम रेडकर, मंडळ अध्यक्ष विनीत बोरकर, सचिव अशोक शेट्टी यांच्यासह मान्यवर उपस्थित होते.

नवी युवा समिती पुढीलप्रमाणे : जगन्नाथ कांबळी अध्यक्ष, उपाध्यक्ष राज पेडणेकर, अभिजीत मोरजकर, रामा नाईक, सरचिटणीस- अखिलेश देसाई, स्वागत नाईक, मयूर प्रभू, सचिव- कार्तिक कळंगुटकर, डिलन फर्नांडिस, सनत आर्लेकर. सदस्य : शाश्वत कामत, दीपराज नाईक, सुनील पाटील, गौरेश गावस, प्रवीण आजगावकर, इब्राहीम मरकब्बी, गौरेश प्रियोळकर, सागर नाईक, विवेक पेडणेकर, आशिष नाईक, राज पार्सेकर, कुणाल साळगावकर, कुणाल चोडणकर, समीर गावडे, सचिन कुंडईकर, राजाराम शेटगावकर, एन्ड्रयू फर्नांडिस, रूपेश नाईक, अनिकेत मडकईकर, प्रथमेश चोडणकर, मोहन नाईक.

युवती विभाग अध्यक्षपदी तन्वी दळवी

यावेळी जगन्नाथ कांबळी यांच्या नेतृत्वाखाली पर्वरी युवा समिती जाहीर करण्यात आली. युवती विभागाच्या अध्यक्षपदी तन्वी दळवी यांची निवड करण्यात आली. नवनियुक्त पदाधिकारी आणि सदस्यांचा मंत्री खंवटे यांच्या हस्ते भाजपची शाल परिधान करून सत्कार करण्यात आला.