Mumbai High Court Goa Bench: कळंगुट-कांदोळी समुद्रकिनाऱ्यावरील161शॅक्सना टाळे ठोकण्यात आले आहे. या शॅक्स चालकांनी कायद्यानुसार आवश्‍यक सर्व परवाने घेतल्याशिवाय हे टाळे खुले करू नये, असे निर्देश गोवा खंडपीठाने उत्तर गोवा जिल्हाधिकाऱ्यांना आज दिले. त्यामुळे या शॅक्स चालकांवर संकट आले आहे.

गोवा प्रदूषण मंडळाचा परवाना असला तरी संबंधित पंचायत व प्रदूषण नियंत्रण मंडळाचा परवानाही महत्त्वाचा आहे, असे नमूद करत ही सुनावणी 2 मेपर्यंत तहकूब केली.

सुमारे 161 शॅक्स चालकांकडे प्रदूषण नियंत्रण मंडळाचा परवाना नसल्याने त्याची शहानिशा करून बंद करण्याचे निर्देश खंडपीठाने दिले होते.

अनेक वर्षे अवैध व्यवसाय

पर्यटन खात्याकडून शॅक्स चालकांना जागा निश्‍चित करून दिल्यानंतर त्यासाठी लागणारा तात्पुरता परवाना दिला जातो. मात्र, शॅक्स चालक सर्व आवश्‍यक परवाने घेण्याचे टाळतात.

पर्यटन खात्याच्या तात्पुरत्या परवान्याच्या आधारे हे शॅक्स चालक सर्व परवाने मिळण्यापूर्वीच व्यवसाय सुरू करतात. त्यामुळे अनेक वर्षे अशाचप्रकारे शॅक्स व्यवसाय बेकायदेशीरपणे सुरू आहे.