FDA Action in Mapusa: केळी पिकवण्यासाठी केमिकलचा वापर, म्हापसा येथे 800 किलो केळी जप्त

FDA Action in Mapusa: अन्न आणि औषध प्राशासनाच्या वतीने (FDA) आज (बुधवारी, दि.05) म्हापसा सबयार्ड येथे फळे कृत्रिमरीत्या पिकवली जातहेत का? याबाबत तपासणी करण्यात आली.

तपासणी दरम्यान एका घाऊक दुकानात सुमारे 800 किलो केळी रासायनिक पद्धतीने पिकवलेल्या आढळून आले. पथकला याठिकाणी केळीचा मोठा साठा असल्याचे आढळून आले.

म्हापसा नगरपालिकेच्या मुख्याधिकार्‍यांच्या मदतीने या दुकानातून केमिकल लिक्विड इथाफोन जे केळी पिकवण्यासाठी वापरण्यात आले होते ते जप्त करण्यात आले आणि केळीचा साठा नष्ट करण्यात आला.

नष्ट करण्यात आलेल्या केळीचा साठा अंदाजे रु. 65,000 रूपये किमतीचा होता अशी माहिती समोर आली आहे. तसेच फळांचे नमुने घेऊन अन्न प्रयोगशाळेत पाठविण्यात आले आहेत.

दरम्यान, उन्हाळ्याचे दिवस असल्याने मोठ्या प्रमाणावर फळांची आवक बाजारात येत आहे. उन्हाचा कडाका वाढल्याने थंड पेय जास्त पिले जातात याशिवाय फळांचा रस देखील अधिक प्रमाणात पिला जातो. त्यामुळे या दिवसांत फळांची मागणी अधिक असते. त्यामुळे चढ्या भावाने फळांची विक्री होते.

याचा फायदा घेण्यासाठी काही दुकानदार फळे रासायनिक पद्धतीने पिकवतात. व त्याची विक्री करतात. दरम्यान, रासायनिक पद्धतीने पिकवलेली फळे आरोग्यासाठी हानिकारक ठरू शकतात. त्यामुळे फळे घेताना काळाजी घ्यावी असे आवाहन तज्ञ करतात.