Goa: गोव्याच्या समुद्रकिनाऱ्यात नौदलाचे MiG-29 'K' हे लढाऊ विमान तांत्रिक बिघाडामुळे कोसळले आहे. प्राथमिक माहितीनुसार या अपघातात फायटर जेटचा पायलटला सुखरूप बाहेर काढण्यात आले आहे. अपघातापूर्वी वैमानिकाने परिस्थिती पाहून विमानातून बाहेर पडून समुद्रात उडी मारली, ज्यामुळे त्याचा जीव वाचला.

नौदलाने शोध आणि बचाव मोहिमेद्वारे पायलटची नंतर सुटका केली. सध्या पायलटची प्रकृती स्थिर आहे. मिग-29 'के' लढाऊ विमानाच्या अपघातामागील कारणे शोधण्याचे आदेश चौकशी मंडळाला (BoI) देण्यात आले आहेत. एएनआय या वृत्तसंस्थेने दिलेल्या माहितीनुसार, गोव्याच्या (Goa) किनाऱ्यावर नियमित उड्डाण करताना तळावर परतत असताना तांत्रिक बिघाडामुळे मिग-29 के हे लढाऊ विमान समुद्रात कोसळले.

2021 मध्ये मिग-21 हे लढाऊ विमान कोसळले होते

डिसेंबर 2021 मध्ये भारतीय हवाई (Indian Navy) दलाचे मिग-21 लढाऊ विमान राजस्थानमधील जैसलमेर येथे कोसळले होते. या अपघातात पायलटचा मृत्यू झाला. त्यादरम्यान, भारतीय वायुसेनेने ट्विट केले की ही घटना संध्याकाळच्या फ्लाइट दरम्यान घडली ज्यामध्ये विंग कमांडर हर्षित सिन्हा यांचा मृत्यू झाला.