मडगाव: ‘मी आयुष्याला कंटळाली आहे’, असे म्हणत ३७ वर्षीय महिलेने जीव देण्यासाठी समुद्रात उडी घेतली. या महिलेले दृष्टीच्या जीवरक्षकांनी जीवदान दिले. बायणा समुद्रकिनाऱ्यावर ही घटना घडली. गेल्या आठवड्यात दृष्टीच्या जीवरक्षकांनी राज्यातील समुद्रकिनारी १२ नागरिकांना जीवदान दिले.

मिळालेल्या माहितीनुसार, वास्को येथील महिलेने जीवदेण्यासाठी बायणा येथील समुद्रात उडी घेतली. यावेळी घटनास्थळी असलेल्या दृष्टीच्या जीवररक्षकांनी महिलेला वाचविण्यासाठी तत्काळ हालचाली करुन सुरक्षितपणे बाहेर काढले. मी आयुष्याला कंटाळली असून, आयुष्य संपवतेय, असे या महिलेने समुद्रात जाण्यापूर्वी म्हटले होते.

महिलेला समुद्रातून बाहेर काढल्यानंतर तिला श्वास घेण्यास त्रास होत असल्याने १०८ रुग्णवाहिकेतून उपचारासाठी तिला रुग्णालयात दाखल करण्यात आले. पोलिसांना देखील या घटनेची माहिती देण्यात आली असून, याप्रकरणी अधिक तपास सुरु आहे.

दुसरीकडे राज्यात विविध समुद्रकिनारी १२ नागरिकांना वाचविण्यात दृष्टीच्या जीवरक्षकांना यश आले. तसेच, दोन बेपत्ता झालेल्या लहान मुलांची पालकांशी भेट घडवून देण्यात आली.

माजोर्डा येथे खोल समुद्रात बुडणाऱ्या ४८ वर्षीय राजस्थानी पर्यटकाला वाचविण्यात जीवरक्षकांना यश आले. आश्वे समुद्रकिनारी हरियाणा येथील २१ आणि २५ वर्षीय दोन तरुणांना वाचविण्यात आले. याच ठिकाणी कर्नाटकच्या ४७ वर्षीय पर्यटकाला समुद्रात बुडण्यापासून वाचविण्यात आले.

दृष्टीच्या जीवरक्षकांनी मांद्रे आणि मोरजीच्या समुद्रकिनारी देखील दोन तरुणांना बुडण्यापासून वाचवले. मोरजी येथे ६६ वर्षीय गोमंतकीय व्यक्ती तर ३५ आणि २६ वर्षीय तरुणांना जीवदान दिले. बागा येथे समुद्रात लाटांच्या फटक्याने वाहून गेलेल्या तीन पर्यटकांना जीवरक्षकांनी सुरक्षितपणे बाहेर काढले.