Goa Congress

 

Dainik gomantak

गोवा

गोव्यात काँग्रेसला बुरे दिन; 17 पैकी राहिले फक्त 2 आमदार

अपक्ष आमदार रोहन खुंटे यांनी राजीनामा देऊन भारतीय जनता पक्षात प्रवेश केला. 2017 पासून आतापर्यंत पक्ष बदलणारे ते 21वे आमदार होते

दैनिक गोमन्तक

गोव्यात पुढील वर्षी विधानसभा निवडणुका होणार आहेत. मात्र, निवडणुकीपूर्वी एक रंजक आकडा समोर आला आहे. तिथे गेल्या निवडणुकीपासून 50 टक्के आमदारांनी पक्ष बदलला आहे. शुक्रवारी अपक्ष आमदार रोहन खुंटे यांनी राजीनामा देऊन भारतीय जनता पक्षात प्रवेश केला. 2017 पासून आतापर्यंत पक्ष बदलणारे ते 21वे आमदार होते. हा एक मोठा विक्रम आहे.

काँग्रेस सतरा वरून दोनवर

2017 च्या निवडणुकीत काँग्रेसचे 17 उमेदवार जिंकून आले होते, पण 2021 साल संपायला येत असताना त्यांच्या आमदारांची संख्या आता केवळ दोनवर आली आहे. गोव्यात काँग्रेसची एवढी दयनीय अवस्था यापूर्वी कधीही झाली नव्हती. सर्वप्रथम विश्‍वजित राणे यांनी काँग्रेसचा त्‍याग केला होता.

गोव्यात (goa) विधानसभेच्या एकूण 40 जागा आहेत. 50 टक्‍क्‍यांहून अधिक आमदार असे आहेत की, 2017 च्या विधानसभा निवडणुकीत (Assembly elections) त्यांनी ज्या पक्षाकडून किंवा बाजूने निवडणूक लढवली होती ती आता त्या पक्षाकडे नाहीत, म्हणजे त्यांनी पक्ष बदलला आहे. पक्ष बदलण्याच्या संपूर्ण प्रक्रियेत भाजपला सर्वाधिक फायदा झाला आहे. सध्या त्यांची संख्या 27 वर पोहोचली आहे.

काँग्रेसचे (Congress) 10 आमदार आणि महाराष्ट्रवादी गोमंतक पक्षाचे (एमजीपी) दोन आमदार त्यांच्या पक्षात सहभागी झाले आहेत. अलीकडच्या काही महिन्यांत काँग्रेस, गोवा फॉरवर्ड आणि एक अपक्ष आमदार (MLA) भाजपमध्ये सामील झाले आहेत. 2022 च्या निवडणुकीत भाजप त्यांना तिकीट देईल, अशी आशा पक्ष सोडणारे सर्व आमदारांना आहे.

त्याचवेळी भाजपच्या (BJP) केवळ एक आमदार अलिना सलदान्हा यांनी पक्ष सोडून आम आदमी पक्षात प्रवेश केला आहे. या उलथापालथीचा सर्वाधिक फटका काँग्रेसला बसला. आता गोव्यात तीनच आमदार उरले आहेत. 2022 च्या निवडणुकीसाठी गोवा फॉरवर्ड (Goa Forwar) पक्षासोबत युतीचा काही फायदा होईल, अशी काँग्रेस पक्षाला अपेक्षा आहे. आता 21 आमदारांनी पक्ष बदलले आहेत, मात्र आता काही महिन्यांनंतर त्याचा फायदा होणार की नुकसान होणार हे कळेल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

Makharotsav: ..उत्सवमूर्ती जिवंत झाल्याचा आभास देणारा 'मखरोत्सव', गोव्यातील लोकसंस्कृतीचे दर्शन

Viral Video: 'खतरों के खिलाडी' वाली स्टंटबाजी, पठ्ठ्याचा सोशल मीडियावर व्हिडिओ तूफान व्हायरल; नेटकरी म्हणाले...

मनोज परबांच्या कार्यकर्त्यावर मंत्री नीलकंठ हळर्णकर धावून गेले; कोलवाळमध्ये आरजी आणि भाजप समर्थक आमने-सामने Watch Video

SCROLL FOR NEXT